पोलीस प्रवाह न्युज
माणगाव, दि. १- रायगड जिल्ह्यात स्थानिक स्वराज्य संस्था जिल्हा परिषद आणि पंचायत समिती सदस्य पदाचे आरक्षण जाहीर झाल्यानंतर विविध राजकीय पक्षांनी आपली मोर्चेबांधणी सुरू केली आहे. राज्यात सत्तेत असणारी महायुती आणि विरोधी पक्ष यांची उमेदवारांची चाचपणी सुरू झाली आहे. त्यामध्ये रायगड जिल्ह्यात महायुती मधील घटक पक्षांची जिल्हापरिषद पंचायत समिती निवडणुकीत युती होणार की स्वतंत्र लढणार असा तिढा कायम असताना गोरेगाव विभागात भारतीय जनता पार्टी स्वबळावर दोन्ही निवडणुका लढवणार असल्याचे सूचक विधान माणगाव तालुका भारतीय जनता जेष्ठ नेते, जिल्हा कार्यकारिणी सदस्य तथा माणगाव तालुका माजी समन्वय समिती अध्यक्ष भालचंद्र (नाना) महाले यांनी पत्रकारांशी बोलताना केले आहे.
माणगाव तालुक्यातील महत्वाचा समजला जाणारा गोरेगाव विभाग या विभागात रायगड जिल्हा जिल्हापरिषदेचा १ मतदारसंघ तर माणगाव पंचायत समितीचे २ पंचायत समिती गण येतात. यामध्ये जिल्हापरिषद उमेदवारासाठी अनुसूचीत जाती असे आरक्षण जाहीर झाले आहे.
यामध्ये जिल्हापरिषद निवडणूक आणि पंचायत समिती उमेदवारीसाठी शिवसेना शिंदे गट आणि राष्ट्रवादी (अप) गटामध्ये रस्सीखेच सुरू असताना या जागेवर भारतीय जनता पार्टीने देखील दावा केला आहे. याकरिता माणगाव तालुक्याचे भारतीय जनता पक्षाचे जेष्ठ नेते भालचन्द्र (नानासाहेब) महाले यांनी निवडणूक लढविण्याच्या मानस व्यक्त केला आहे. नाना महाले यांनी गोरेगाव ग्रामपंचायत चे सरपंच म्हणून काम पाहिले आहे .तसेच त्यांनी राज्यात भाजपप्रणित मुख्यमंत्री देवेंद्र फडणवीस सरकार असताना भालचन्द्र (नाना) महाले हे समन्वय समितीचे अध्यक्ष म्हणून कार्यरत होते. नाना महाले यांचा या विभागात जनसंपर्क देखील दांडगा आहे.
भालचंद्र (नाना) महाले यांनी गोरेगाव विभागात भारतीय जनता पार्टीचे नेते आणि मंत्री यांच्या माध्यमातून बहुविध विकासकामे या गोरेगाव जि. प. मतदार संघ व पंचायत समिती गणात आणली आहेत. त्यामुळे जनता ही भारतीय जनता पार्टी च्या उमेदवाराला मतदान करून विजयी करेल असा विश्वास भालचंद्र (नाना) महाले यांनी व्यक्त केला आहे.
